რუსეთის თავდაცვის სამინისტროს მონაცემებით, უკრაინამ ერთ კვირაში რეკორდული რაოდენობის, 8 477 დრონი და 26 ფლამინგოს ტიპის რაკეტა გაუშვა.
უკრაინულ მხარეს ამ ციფრებთან დაკავშირებით კომენტარი არ გაუკეთებიათ. უკრაინის თავდაცვის სამინისტრო საჯაროდ არ აქვეყნებს რუსეთის წინააღმდეგ გაშვებული საჰაერო სამიზნეების რაოდენობას. რუსეთის თავდაცვის სამინისტრომ ასევე განაცხადა, რომ იმავე პერიოდში უკრაინამ 70 მართვადი საავიაციო ბომბი და HIMARS-ისა და Vampire-ის სისტემებიდან 17 რაკეტა გაუშვა. მოსკოვი ამტკიცებს, რომ რუსულმა საჰაერო თავდაცვამ ანგარიშში ჩამოთვლილი ყველა იარაღი გაანადგურა, რისი დამოუკიდებლად გადამოწმებაც ვერ ხერხდება.
ამ ზაფხულს უკრაინამ მკვეთრად გაზარდა რუსეთის ტერიტორიაზე არსებული სამიზნეების წინააღმდეგ ადგილობრივი წარმოების „ფლამინგოს“ ფრთოსანი რაკეტების გამოყენება, ხოლო გასული ექვსი თვის განმავლობაში თავდასხმების ტემპი თითქმის გაორმაგდა.
S