ავღანეთში ნატო-ს ორი ჯარისკაცი მოკლეს. თავდასხმა ყანდაარის პროვინციაში მოხდა, როდესაც კოალიციური ძალების სამხედროები ადგილობრივ პოლიციელებს წვრთნიდნენ. მათ ცეცხლი ავღანეთის უსაფრთხოების სამსახურის ფორმაში ჩაცმულმა ორმა შეიარაღებულმა პირმა გაუხსნა. შედეგად ნატო-ს ორი ჯარისკაცი დაიღუპა, ერთი კი დაშავდა.
რუმინეთის თავდაცვის უწყების ცნობით, გადარცვლილი სამხედროები რუმინეთის მოქალაქეები არიან. მომხდართან დაკავშირებით სამართალდამცველებმა ერთი ეჭვმიტანილი უკვე დააკავეს.