ევროკავშირმა მოლაპარაკებების მიუხედავად ვერ შეძლო აშშ-თან სავაჭრო შეთანხმების რატიფიცირება. ამის შესახებ კვიპროსის ენერგეტიკის მინისტრმა, მიხაილ დამიანოსმა განაცხადა.
ევროპარლამენტისა და ევროკავშირის წევრი სახელმწიფოების მომლაპარაკებლები შეიკრიბნენ, რათა გასული წლის ივლისში მიღწეულ შეთანხმებაში შესაძლო ცვლილებები განეხილათ, თუმცა საბოლოო გადაწყვეტილება არ მიუღიათ. მოლაპარაკებები მომდევნო კვირებში გაგრძელდება.
დამიანოსი აცხადებს, რომ ოფიციალურ პირებს „მტკიცედ აქვთ გადაწყვეტილი, სწრაფად იმოქმედონ“.
ევროკავშირში აშშ-ის ელჩმა, ენდრიუ პაზდერმა განაცხადა, რომ შეთანხმება დაუყოვნებლივ თუ არ გაფორმდება, ვაშინგტონი მალე ევროკავშირის ავტომობილებზე 25%-იან ტარიფებს დააწესებს.