რუსეთის კრასნოდარის მხარის ქალაქ ტუაფსეში დრონებმა საზღვაო ტერმინალსა და ნავთობგადამამუშავებელ ქარხანას შეუტიეს, – ინფორმაციას უკრაინული მედია რუსულ „ტელეგრამ“ არხებზე დაყრდნობით ავრცელებს.
გავრცელებული ინფორმაციით, ადგილობრივმა მაცხოვრებლებმა ორი საათის განმავლობაში ათზე მეტი ხმამაღალი აფეთქების ხმა გაიგონეს.
ამასთან, ერთ-ერთ რაიონში დრონის ნამსხვრევების ჩამოვარდნის ადგილზე ხანძარი გაჩნდა.
რუსულმა „ტელეგრამ“ არხმა Astra-მ გაავრცელა ინფორმაცია, რომ თვითმხილველების ვიდეოჩანაწერების ანალიზის თანახმად, თავდასხმის შედეგად ტუაფსეს ნავთობგადამამუშავებელი ქარხანაში ხანძარი ნამდვილად გაჩნდა.