გაერთიანებული სამეფოსა და საფრანგეთის ლიდერები კირ სტარმერი და ემანუელ მაკრონი მსოფლიო ლიდერების ვირტუალურ შეხვედრას უმასპინძლებენ, რომელზედაც ჰორმუზის სრუტის ხელახლა გახსნის საკითხს განიხილავენ.
გაერთიანებული სამეფოს პრემიერ-მინისტრის ოფისის მიერ გავრცელებულ განცხადებაში აღნიშნულია, რომ მსოფლიო ლიდერები სრუტის ხელახლა გასახსნელად საერთაშორისო მისიას შექმნიან.
დღევანდელ შეხვედრაზე 40-მდე ქვეყნის ლიდერები განიხილავენ ირანთან ცეცხლის შეწყვეტის მყიფე შეთანხმების მხარდაჭერას და სრუტეში საზღვაო მარშრუტების ხელახლა გახსნისა და უსაფრთხოების საკითხებს.
გაერთიანებული სამეფოს პრემიერ-მინისტრის ოფისის ინფორმაციით, ლიდერები ასევე იმსჯელებენ საერთაშორისო საზღვაო ორგანიზაციის სასიცოცხლოდ მნიშვნელოვანი საქმიანობის მხარდაჭერაზე.
დიდი ბრიტანეთის პრემიერ-მინისტრი კირ სტარმერი, რომელიც სამიტს საფრანგეთის პრეზიდენტ ემანუელ მაკრონთან ერთად უმასპინძლებს, პარიზში ჩავა.