აშშ-ის შეიარაღებულმა ძალებმა წყნარი ოკეანის აღმოსავლეთ ნაწილში ნარკოტრეფიკინგში ჩართულ გემზე თავდასხმა განახორციელეს, რასაც სამი ადამიანის სიცოცხლე ემსხვერპლა. ამის შესახებ აშშ-ის სამხრეთის სარდლობა სოციალურ ქსელ „იქსზე“ წერს და იერიშის ამსახველ კადრებს ავრცელებს.
მათივე ცნობით, „სასიკვდილო კინეტიკური დარტყმა ტერორისტული ორგანიზაციების მიერ მართულ გემზე“ განხორციელდა.
„დაზვერვამ დაადასტურა, რომ გემი წყნარი ოკეანის აღმოსავლეთ ნაწილში ნარკოტრეფიკინგის ცნობილი მარშრუტით მოძრაობდა და ნარკოტრეფიკინგის ოპერაციებში იყო ჩართული. მოკლულია სამი ნარკოტერორისტი, აშშ-ის სამხედრო ძალებიდან არავინ დაშავებულა“, – აღნიშნულია აშშ-ის სამხრეთის სარდლობის განცხადებაში.