თელავში, მეფე ერეკლე მეორის სახელობის აეროპორტი გაიხსნა. აღნიშნული აეროპორტი ამ დრომდე მხოლოდ საქართველოს საავიაციო უნივერსიტეტის სტუდენტების სასწავლო ფრენებს ემსახურებოდა, თუმცა დღეიდან მცირე საავიაციო ტურების მოწყობა ყველა დაინტერესებულ პირს შეუძლია. მსურველებს 6 ორკაციანი და 1 ექვსკაციანი თვითმფრინავი მოემსახურებათ.
აეროპორტის გახსნას კახეთის გუბერნატორი და ადგილობრივი თვითმმართველობის წარმომადგენლები ესწრებოდნენ.
მედიის წარმომადგენლებისთვის განხორციელდა საჩვენებელი ფრენებიც.