„მეტრონომი“ გთავაზობთ შალვა რამიშვილისა და ტელეკომპანია „იმედის“ დირექტორის, გიორგი ბახტაძის „ვაიბერ“ მიმოწერას. ასევე, „აღსრულების ეროვნული ბიუროს“ ოქმს ფაქტების კონსტატაციის შესახებ.
ტელეფონში არსებული მიმოწერის ავთენტურობა დაადგინა დავით ტატიშვილმა.
შეგახსენებთ, რომ დღეს შალვა რამიშვილმა მის ადვოკათთან, გაგი მოსიაშვილთან ერთად მისი „ტელეკომპანია“ იმედიდან გაშვების რეალური მიზეზები დაასახელა. მან აღნიშნა, რომ თათია სამხარაძე, იგივე ტასო ბარნოვა იყო გამოყენებული, რათა ის ტელეკომპანიიდან გაეშვათ. როგორც შალვა რამიშვილმა განაცხადა, ის არ არის მოძალადე და სამხარაძის მიმართ სექსუალური შევიწროება არ განუხორციელებია. მისი თქმით, საქმე ეხება მის ერთ-ერთ გადაცემას, რომელიც მოსამართლე მურუსიძეს უკავშირდებოდა.
