”მრეწველების” ლიდერი გოგი თოფაძე საპარლამენტო არჩევნებზე „პატრიოტთა ალიანსთან“ გაერთიანებას არ გამორიცხავს, ამის შესახებ გოგი თოფაძემ დღეს გამართულ პრესკონფერენციაზე განაცხადა.
„დღესდღეობით ვცდილობთ არჩევნებზე მარტო გავიდეთ, თუმცა ალიანსს ძალიან დიდ პატივს ვცემთ. ძალიან ობიექტური ტელევიზია შექმნეს განსხვავებით სხვა ტელეარხებისგან. პროქართული პოზიცია უჭირავთ. პატივს ვცემთ თარხან-მოურავსაც, ქალბატონ ირმასაც, არ გამოვრიცხავ, მაგრამ ჯერ ვნახოთ, როგორ განვითარდება მოვლენები. ვფიქრობთ, ჩვენ გვაქვს ბევრთან იმდენი უპირატესობა, რომ ყველა საარჩევნო უბანში ჩვენი წარმომადგენელი გვყავს. ყველა უბანზე გვყავს დამკვირვებლები – საკმაოდ გამოცდილი ხალხი გვყავს და გვაქვს იმედი, რომ არჩევნებს არავინ გააყალბებს. ვნახოთ პოლიტიკური სიტუაცია როგორ განვითარდება. არავისთან ალიანსს არ გამოვრიცხავთ“, – განაცხადა გოგი თოფაძემ.
„მრეწველები“ და „პატრიოტთა ალიანსი“ შესაძლოა გაერთიანდნენ
