“უკრაინის პრეზიდენტ ზელენსკის შეუძლია, რომ ეს ომი რუსეთთან თითქმის დაუყოვნებლივ დაასრულოს, თუ ამის სურვილი ექნება” – დონალდ ტრამპი

დღეს, 18 აგვისტოს, აშშ-ისა და უკრაინის პრეზიდენტებს შორის ვაშინგტონში შეხვედრა გაიმართება.

ამასთან დაკავშირებით, დონალდ ტრამპი TruthSocial-ზე წერს და ამბობს, რომ უკრაინას შეუძლია დაასრულოს ომი, თუ ამის სურვილი ვოლოდიმირ ზელენსკის ექნება.

“უკრაინის პრეზიდენტ ზელენსკის შეუძლია, რომ ეს ომი რუსეთთან თითქმის დაუყოვნებლივ დაასრულოს, თუ ამის სურვილი ექნება, ან შეუძლია ბრძოლა გააგრძელოს. გაიხსენეთ, როგორ დაიწყო ეს ყველაფერი. ობამას მიერ მიცემული (12 წლის წინ, გასროლის გარეშე!) ყირიმი ვერ დაბრუნდება და უკრაინა NATO-ში ვერ გაწევრიანდება. ზოგიერთი რამ არასდროს იცვლება!” – ნათქვამია ტრამპის განცხადებაში.