საქართველოს მე-5 პრეზიდენტი ევროპულ ტურნეს აგრძელებს – დღეს სალომე ზურაბიშვილი რუმინეთის პრეზიდენტს, ნიკუშორ დანის შეხვდა.
აუდიენცია ბუქარესტში, კოტროჩენის სასახლეში გაიმართა. ამ დროისთვის უცნობია, რა კონკრეტული საკითხები განიხილეს მხარეებმა.
შეგახსენებთ, საქართველოს მე-5 პრეზიდენტი 18 ივნისს ლონდონში იმყოფებოდა. ის ევროპის საკითხებში დიდი ბრიტანეთის სახელმწიფო მინისტრ სტივენ დაუთის და საგარეო პოლიტიკის საკითხებში პრემიერ-მინისტრის ადმინისტრაციის წარმომადგენელ ჰანა შაჰისს შეხვდა.
მანამდე, სალომე ზურაბიშვილი საფრანგეთს ეწვია და სენატში სიტყვით გამოვიდა.