ახალი ამბები მთავარი მსოფლიო პოლიტიკა საზოგადოება

აღმოსავლეთით NATO-ს გაფართოებასთან დაკავშირებით, ალიანსის წარმომადგენელი რუსეთს პასუხობს

რამდენიმე დღის წინ, რუსულ წყაროებზე დაყრდნობით, Reuters-ი გაავრცელა ინფორმაცია, რომლის მიხედვითაც, რუსეთის პრეზიდენტი, ვლადიმერ პუტინი, უკრაინაში მშვიდობის მიღწევის სანაცვლოდ, დასავლეთისგან ითხოვს წერილობით პირობას, რომ ნატო აღმოსავლეთით არ გაფართოვდება.

ამასთან დაკავშირებით, „რადიო თავისუფლებას“ ალიანსის რამდენიმე ინფორმირებულმა წყარომ განუცხადა, რომ NATO-ში არ განიხილავენ პუტინის ზემოაღნიშნულ მოთხოვნას.

ნატოს წარმომადგენლის თქმით, გაფართოების დაუშვებლობის შესახებ წერილობითი ვალდებულება „არ არის ისეთი რამ, რისი მიღებაც რუსეთს ადვილად შეეძლება“, რადგან ქვეყნების უფლება, თავისუფლად გადაწყვიტონ, რომელ კავშირში გაწევრიანებას ისურვებენ, არაერთ საერთაშორისო ხელშეკრულებაშია გათვალისწინებული. მათ შორის, კერძოდ, აღსანიშნავია ჩრდილო-ატლანტიკური ხელშეკრულება, რომლის ხელმოწერამაც უზრუნველყო ნატოს შექმნა 1949 წელს, ვენის კონვენცია საერთაშორისო ხელშეკრულებების სამართლის შესახებ 1969 წელს და ჰელსინკის დასკვნითი აქტი 1975 წელს.

ალიანსს გამოცხადებული აქვს ღია კარის პოლიტიკა ახალი მოკავშირეების პოტენციურ მიღებასთან დაკავშირებით.

იტვირთბა....