აზერბაიჯანელი ჟურნალისტი, აფგან სადიგოვი, რომელსაც საექსტრადიციო პატიმრობა გირაოთი შეეცვალა და 9 თვიანი პატიმრობის შემდეგ გათავისუფლდა, პრესკონფერენციას მართავს, სადაც მან მადლობა გადაუხადა მედიასა და არასამთავრობო ორგანიზაციებს მისი აქტიურად გაშუქების გამო.
„მოგესალმებით გაბედულ, მამაც ჟურნალისტებს. დიქტატორ კობახიძეს და განგსტერ, მაფიოზ ივანიშვილს ბედმა არ გაუღიმა, რომ მედიის თქვენნაირი წარმომადგენლები არიან საქართველოში ძალიან მადლიერი ვარ იმისთვის, რომ ჩემთან დაკავშირებულ ამბებს ყოველთვის აყენებდით დღის წესრიგში.
დიდი მადლობა მინდა გადავუხადო ჩემს უფლებადამცველებს, ადვოკატებს და „სოციალური სამართლიანობის ცენტრს.
შეგახსენებთ, აფგან სადიგოვი 2024 წლის 3 აგვისტოს საქართველოს შინაგან საქმეთა სამინისტრომ ექსტრადიციის მიზნით დააკავა, ის აზერბაიჯანის მიერ მუქარისა და გამოძალვის ფაქტზე იძებნებოდა.
დაკავების შემდეგ სადიგოვმა შიმშილობა გამოაცხადა და მან 161 დღე იშიმშილა.