საფრანგეთის პრეზიდენტი, ემანუელ მაკრონი საუდის არაბეთში უკრაინისა და აშშ-ს დელეგაციების შეხვედრის შედეგებს ეხმაურება და პლატფორმა X-ზე წერს, რომ ბურთი აშკარად რუსეთის მოედანზეა.
“მივესალმები აშშ-ს და უკრაინას შორის გამართულ დისკუსიებში მიღწეულ პროგრესს, განსაკუთრებით, შესაძლო 30-დღიანი ცეცხლის შეწყვეტის იდეასთან დაკავშირებით
. ბურთი ახლა აშკარად რუსეთის მოედანზეა.
საფრანგეთი და მისი პარტნიორები რჩებიან გრძელვადიანი მშვიდობის ერთგულნი, რაც ითვალისწინებს უკრაინისთვის უსაფრთხოების საიმედო გარანტიებს.” – დაწერა მაკრონმა.
აშშ-რუსეთის მოლაპარაკებებს გამოეხმაურა ევროკომიის პრეზიდენტი, ურსულა ფონ დერ ლაიენი, რომელმაც მაკრონის მსგავსად განაცხადა, რომ “ბურთი რუსეთის მოედანზეა” და “ ეს არის წინ გადადგმული ნაბიჯი უკრაინისთვის სრულყოფილი, სამართლიანი და მდგრადი მშვიდობის მისაღწევად”.