თემურ ქათამაძე ამბობს, რომ თავს სუსტად გრძნობს და უკვე გადაადგილებაც უჭირს. ამის შესახებ „ახალგაზრდა იურისტთა ასოციაციის“ იურისტმა, მარიამ გაბროშვილმა “ინტერპრესნიუსთან” ისაუბრა.
“თემურ ქათამაძე, როგორც თავად განმარტავს, თავს უკვე სუსტად გრძნობს, ასევე გრძნობს გადაადგილებისას სირთულეებს. არ ვიცი, იმედი გვაქვს, რომ უახლოეს პერიოდში დათანხმდება კლინიკაში გადაყვანას. მოგეხსენებათ, 15 თებერვლის შემდეგ საერთოდ არანაირი გამოკვლევა არ ჩაუტარებია ამ ადამიანს, ის უარს აცხადებდა სამედიცინო შემოწმებაზე და 15 თებერვლის შემდგომ მის ჯანმრთელობის მდგომარეობაზე არანაირი ინფორმაცია არ გაქვს, გარდა მის მიერ მოწოდებული ინფორმაციისა, რასაც ამ დღეებში თავად განმარტავდა. დღეს, უკვე როგორც ამბობს, თავს სუსტად გრძნობს და უკვე გადაადგილებაც უჭირს“, – განაცხადა მარიამ გაბროშვილმა.
შეგახსენებთ, რომ პატიმრობაში მყოფი თემურ ქათამაძე უკვე 46 დღეა შიმშილობს.