“საუდის არაბეთი აშშ-სა და რუსეთს შორის მოლაპარაკებებში შუამავლის როლის შესრულებას აპირებს” – CNN

CNN-ის მიერ გავრცელებული ინფორმაციის თანახმად, აშშ-სა და რუსეთს შორის მოლაპარაკებებში საუდის არაბეთი მასპინძლობის გარდა, მხარეებს შორის შუამავლობას გეგმავს. ამის შესახებ CNN-ს საუდის არაბეთის ხელისუფლების ოფიციალურმა პირმა განუცხადა.

მოლაპარაკებებში მონაწილეობის მისაღებად საუდის არაბეთში აშშ-ის სახელმწიფო მდივანი მარკო რუბიო, ახლო აღმოსავლეთში აშშ-ის სპეციალური წარმომადგენელი სტივ უიტკოფი და თეთრი სახლის მრჩეველი ეროვნული უსაფრთხოების საკითხებში მაიკ უოლცი მიემგზავრებიან.

ცნობისთვის, უკრაინაში ომის შეწყვეტის შესახებ მოლაპარაკებები საუდის არაბეთში ხვალ გაიმართება.