“საქართველოს რესპუბლიკის დემოკრატია გზაჯვარედინზე დგას ” – წერს რესპუბლიკელი სენატორი და აშშ-ის ჰელსინკის კომისიის ახალარჩეული თავმჯდომარე, როჯერ უიკერი.
“სამხრეთ კავკასიაში, სომხეთსა და აზერბაიჯანს აქვთ თაობაში ერთი შესაძლებლობა, მიაღწიონ გრძელვადიან სამშვიდობო შეთანხმებას ათწლეულობით ძალადობისა და არეულობის შემდეგ.
ამ დროს, საქართველოს რესპუბლიკის დემოკრატია გზაჯვარედინზე დგას მაშინ, როცა ქართული ოცნების პარტია ცდილობს, ქვეყანა რუსეთისკენ წაიყვანოს და ევროატლანტიკური ინტეგრაციის გზას დააშოროს” – დაწერა რესპუბლიკელმა სენატორმა.
ცნობისთვის, ამერიკის კონგრესის ჰელსინკის კომისიის თავმჯდომარედ რესპუბლიკელი სენატორი როჯერ უიკერი გუშინ დაინიშნა.
“ჩემთვის პატივია ვიყო დასახელებული ჰელსინკის კომისიის თავმჯდომარედ. ევროპის უსაფრთხოება ყოველთვის კარგი იყო შეერთებული შტატებისთვის. თითქმის 50 წლის განმავლობაში ჰელსინკის კომისია იცავდა ადამიანის უფლებებს, ხელს უწყობდა დემოკრატიის დაწინაურებას, და ზრდიდა ეკონომიკურ თანამშრომლობას მსოფლიოს გარშემო”, – თქვა სენატორმა უიკერმა.