კანადის პრემიერ-მინისტრმა, ჯასტინ ტრუდომ კანადის აშშ-ისთან შეერთების საკითხზე ისაუბრა.
მისი თქმით, კანადა ამერიკის 51-ე შტატი არასდროს გახდება.
„მოდით მკაფიოდ ვთქვათ: 51-ე შტატად გახდომის შესახებ საუბარი იმთავითვე წარუმატებლობისთვის არის განწირული. ეს არასდროს მოხდება, თუმცა აშშ-ის პრეზიდენტის სიტყვები სერიოზულად უნდა მივიღოთ და კანადის ინტერესების დაცვა გავაგრძელოთ“, – განაცხადა ტრუდომ.
ტრუდომ ასევე კომენტარი გააკეთა ორ ქვეყანას შორის ვაჭრობის თემაზე.
მისი თქმით, კანადას აშშ-სთან სავაჭრო კონფლიქტი არ სურს, თუმცა თუ აშშ ტარიფებს დააწესებს, მაშინ კანადა შესაბამის პასუხს გასცემს.
შეგახსენებთ, აშშ-ის პრეზიდენტი, დონალდ ტრამპი განაცხადა, რომ კანადა აშშ-ის 51-ე შტატი უნდა გახდეს და ამ შემთხვევაში კანადას ტარიფები არ დაუწესდება.