“მზია ამაღლობელი დააკავეს და გაჩუმება აიძულეს. მისი დაკავება და არაადამიანური მოპყრობა პატიმრობაში არღვევს ფუნქციონალური დემოკრატიისა და ადამიანის უფლებების ძირითად სტანდარტებს. ის სასწრაფოდ უნდა გათავისუფლდეს!”. – წერს ბუნდესტაგის წევრი, ტომას ჰაკერი X-ზე.
შეგახსენებთ, მზია ამაღლობელი მე-16 დღეა, შიმშილობს. ის 11 იანვარს, ბათუმში დააკავეს. ბათუმის საქალაქო სასამართლომ მას აღკვეთის ღონისძიების სახით პატიმრობა შეუფარდა.
მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. მას 4-დან 7 წლამდე პატიმრობა ემუქრება.