საქართველოს პრეზიდენტი და პრემიერ-მინისტრი დღეს მთავრობის ადმინისტრაციაში სამუშაო შეხვედრას გამართავენ. როგორც პრეზიდენტის ადმინისტრაციაში აცხადებენ, შეხვედრაზე რეგიონში მიმდინარე მოვლენებს განიხილავენ.
„დღეს, 18:00 საათზე, საქართველოს მთავრობის ადმინისტრაციაში, პრემიერ-მინისტრ გიორგი კვირიკაშვილს დაგეგმილი აქვს სამუშაო შეხვედრა რეგიონში მიმდინარე მოვლენებთან დაკავშირებით, რომელსაც დაესწრება პრეზიდენტი”, – განაცხადეს მთავრობის ადმინისტრაციაში.
მედიაში გავრცელებული ინფორმაციით, შეხვედრას თავდაცვის მინისტრი თინა ხიდაშელიც დაესწრება.
