რუსთაველის მოედანზე დარბევა რობოკოპებმა დაიწყეს.
რუსთაველის გამზირზე ისვრიან გაზის კაფსულებსაც – “ტვ პირველის“ ოპერატორს პირველადი დახმარება დასჭირდა.
სპეცრაზმელებმა მხუთავი აირის გაშვებაც დაიწყეს, რომელშიც სავარაუდოდ, ქიმიური ნივთიერებებია გარეული და რის გამოც, აქციის მონაწილეებს სუნთქვა უჭირთ.
ჭიჭინაძის ქუჩაზე ახალგაზრდები წყლის ჭავლის და რობოკოპების წინაშე, ხელაწეულები დგანან და ამ ფორმით გამოხატავენ, რომ ისინი მშვიდობიანი დემონსტრანტები არიან.
ჭიჭინაძის ქუჩაზე წყლის ჭავლს, რამდენიმე საათია, უწყვეტად უშვებენ.