“როგორც ნივთი ამიღეს და ჩამდეს მანქანაში – “ძლიერი საქართველოს” წევრი მაია გოგიძე, რომელმაც წინასწარი დაკავების იზოლატორი რამდენიმე წუთის წინ დატოვა, “პირველებთან” დაკავების დეტალებს ყვება.
“ვიღაცას ათრევდნენ და მე ვცდილობდი დავხმარებოდი, როგორც ნივთი ამიღეს და ჩამდეს მანქანაში. მე არავისთვის არ შემიგინებია. გამომატანეს ოქმი, სადაც წერია ხულიგნობაო და არ მიხულიგნია. როცა დამაკავეს ტელეფონი ჩამომართვეს, ირაკლი კუპრაძის ტელეფონი მქონდა ჩაბარებული და ისიც წამართვეს, არავისთან არ დამარეკინეს, სრულ იზოლაციაში ვიყავი ” – ამბობს გოგიძე.
მაია გოგიძე პოლიციამ დღეს მელიქიშვილის გამზირზე დააკავა. მიმდინარე აქციაზე სამართალდამცველებმა ძალის გამოყენებით 11 ადამიანი დააკავეს.