რუსეთში, კურსკის ოლქში, სადაც უკვე სამი კვირაა, უკრაინის შეიარაღებული ძალები ტერიტორიებს აკონტროლებენ, მოხალისეების რაზმის ფორმირება დაიწყეს, წერს „მედუზა“.
გამოცემის ცნობით, რაზმის „ბარს – კურსკი“ მიზანი უნდა იყოს „უსაფრთხოების უზრუნველყოფა“ იმ რაიონებში, სადაც უკრაინელები შეტევით ოპერაციებს აწარმოებენ.
ოლქის გუბერნატორის მოვალეობის შემსრულებელი, ალექსეი სმირნოვი ამბობს, რომ რაზმი მნიშვნელოვან წვლილს შეიტანს კურსკის ოლქში მართლწესრიგის დაცვაში.
რაზმის წევრებმა, ოფიციალური ინფორმაციის მიხედვით, ჯერ სამხედრო მომზადება უნდა გაიარონ, შემდეგ კი რუსეთის ჯართან ერთად იმოქმედონ იმ რეგიონებში, სადაც უკრაინის შეიარაღებული ძალები უტევენ.