პარლამენტში, ოთხი კომიტეტის გაერთიანებულ სხდომაზე ლგბტ უფლებების შემზღუდველი “ოჯახური ღირებულებებისა და არასრულწლოვნების დაცვის შესახებ” კანონპროექტი 1-ლი მოსმენით განიხილეს. ანტი-ლგბტ კანონს მხარი ოთხივე კომიტეტმა დაუჭირა. ეს კომიტეტებია: ადამიანის უფლებათა დაცვის, განათლების, დარგობრივი ეკონომიკისა და ჯანმრთელობის დაცვის.
კანონპროექტს 1-ლი მოსმენით დღეს, 20 ივნისს, წამყვან, იურიდიულ საკითხთა კომიტეტზეც განიხილავენ.
პარლამენტის თავმჯდომარემ, შალვა პაპუაშვილმა 4 ივნისს ლგბტ უფლებების შემზღუდველი “ოჯახური ღირებულებებისა და არასრულწლოვანების დაცვის შესახებ” კანონის პაკეტი წარადგინა და დაასახელა 8 საკითხი, რომელიც მოწესრიგებული იქნება აღნიშნული 19 კანონის მეშვეობით.