რუსული კანონის საწინააღმდეგო ახალგაზრდული პროტესტი გაგრძელდება – რუსთაველის გამზირზე შეკრებილებმა მორიგი აქცია 20 აპრილს დააანონსეს. ისინი პარლამენტთან ისევ 19 საათზე შეიკრიბებიან.
19 აპრილის აქცია კი თითქმის 5 საათს გაგრძელდა. პროტესტის მონაწილეებმა მსვლელობა მოაწყეს და ფეხით შემოიარეს ქალაქის ნაწილი. გმირთა მოედანზე მათ ფიცი დადეს, რომ არასდროს შეეგუებიან მტრულ ძალას, რუსულ პროპაგანდას, რუსულ კანონებს და დაიცავენ ქვეყნის ინტერესებს – “ვდებთ ფიცს, რომ ჩვენ საქართველოს დავიცავთ რუსული კანონისგან და რუსული ნარატივებისგან”