„გირჩის“ ლიდერმა, იაგო ხვიჩიამ, ოპოზიციური პარტიები შესახებ მედიასთან კომენტარი გააკეთა.
„პოლიტიკურ სპექტრს ვაიძულებთ, რომ „ნაცები“ წავიდნენ „ნაცებთან“, ხოლო დანარჩენ ოპოზიციურ პარტიებს, რომელთაც არც „ნაცობა“ უნდათ და არც „ქოცობა“, კარი გავუხსნათ…
როგორც კი „ნაცებთან“ ვაჭრობა მორჩება და ვერ შეთანხმდებიან, ალბათ შემდეგ საინტერესო იქნება, ის ვერშეთანხმებული ხალხი რას იზამს. რაზე ვაჭრობენ? ძირითადად საარჩევნო სიაზე ვაჭრობენ. „ნაცებში“ სიას ვინ დაალაგებს, არ ვიცი, თუმცა წინა სიაც არ იყო მაინც და მაინც კარგად დალაგებული. ამიტომ თუ იგივე ხალხი აკეთებს სიას, შეიძლება, დალაგებული არ იყოს. იმედი მაქვს, რომ მიხეილ სააკაშვილი უარყოფით გამოცდილებას და სიაზე შეცდომას გაითვალისწინებს. პარტიის არსებული შემადგენლობა გასაახლებელია“, – აღნიშნა მან.