ევროპარლამენტის პრეზიდენტმა, რობერტა მეცოლამ, უკრაინის ევროინტეგრაციის პროცესის შესახებ ისაუბრა.
„უკრაინა შთამბეჭდავ ძალისხმევას იჩენს და ევროპარლამენტის პრეზიდენტების კონფერენციამ დაადასტურა, რომ უკრაინას გაწევრიანების შესახებ მოლაპარაკებების დასაწყებად მყარი საფუძველი აქვს,“ – აღნიშნა მეცოლამ.
მისივე თქმით, EU-ში გაწევრიანების პროცესი არ არის მხოლოდ ევროპული კანონებისა და წესების ეროვნულ კანონმდებლობაში გადატანა, ეს ქვეყნის საზოგადოებაში გარდაქმნებს მოითხოვს.