“ადრე თუ გვიან ნიკა მელია თავისი მომხრეებით შექმნის პარტიას” – გოცირიძე

ადრე თუ გვიან ნიკა მელია თავისი მომხრეებით შექმნის პარტიას – ამის შესახებ “ევროოპტიმისტების” ერთ-ერთმა ლიდერმა რომან გოცირიძემ განაცხადა.

“არ ვიცი, რა მანიფესტი იქნება, ვინ მოაწერს ხელს, ვინ – არა, ვის გარიცხავენ პარტიიდან ან ვის – არა. ერთი რამ არის ფაქტი – ის, რომ ამ ერთი წლის განმავლობაში „ნაციონალური მოძრაობა“ არის თვითდაზიანების რეჟიმში. რაც მოხდა, ეს არის ძალიან ცუდი. ის, რომ ადრე თუ გვიან ნიკა მელია თავისი მომხრეებით შექმნის პარტიას, ამის პროგნოზირება არის ძალიან მარტივი“ – განაცხადა გოცირიძემ.