უკრაინის ოფიცილური პირების თქმით, რუსეთმა უპილოტო თვითმფრინავებით თავდასხმები დაიწყო კიევის, პოლტავასა და ჩერკასის რეგიონებზე, რამაც გააძლიერა თავდასხმები უკრაინის დედაქალაქზე რამდენიმეკვირიანი შესვენების შემდეგ.
“მტრის უპილოტო საფრენი აპარატები მრავალ ჯგუფად იყო გაშვებული და სხვადასხვა მიმართულებით შეუტიეს კიევს. ამავდროულად მუდმივად ცვლიდნენ მოძრაობის ვექტორებს”, – განაცხადა კიევის სამხედრო ადმინისტრაციის ხელმძღვანელმა სერხი პოპკომ.
პოპკოს თქმითვე, წინასწარი მონაცემებით, უკრაინის საჰაერო თავდაცვის ძალებმა ჩამოაგდეს 10 ირანული წარმოების შაჰედი კამიკაძე უპილოტო თვითმფრინავები კიევში და ქალაქის გარეუბნებში.
უკრაინის საჰაერო ძალებმა Facebook-ის ოფიციალურ გვერდზე კვირა დილით განაცხადეს, რომ რუსეთმა უკრაინის ტერიტორიებს კურსკის რეგიონიდან შეუტია. მისი თქმით, საჰაერო თავდაცვამ ჩამოაგდო 20 თვითმფრინავიდან 15.