ახალციხეში ავტოსაგზაო შემთხვევა მოხდა, მანქანა ტროტუარზე გადავიდა და ბოძს შეეჯახა. ინფორმაციას ადგილობრივი მედია „სამხრეთის კარიბჭე“ ავრცელებს.
„პორშეს“ მარკის ავტომობილი საავტომობილო გზის სავალი ნაწილიდან ტროტუარზე გადავიდა და ბოძს შეეჯახა.
თვითმხილველების ინფორმაციით, მანქანაში ორი პირი იჯდა. დაშავებულები სასწრაფო-სამედიცინო დახმარების ჯგუფმა სამედიცინო დაწესებულებაში გადაიყვანა.