“ის არის ერთადერთი პოლიტიკური ცენტრი, რომელიც თანაბრად არის დისტანცირებილი ნაცებისგან და ქოცებისგან” – ხუხაშვილი გახარიაზე

პოლიტოლოგი გია ხუხაშვილი გუშინ „ფორმულას“ ეთერში გასულ Edison Research-ის ჩატარებულ პოლიტიკურ კვლევას გამოეხმაურა, რომლის მიხედვითაც, გახარიას პარტია „საქართველოსთვის“ პროგრესირებს.

კვლევის მიხედვით, მას 10% აქვს.

„რატომ გახარია?
პასუხი მარტივია – ის არის ერთადერთი პოლიტიკური ცენტრი, საკმაოდ კომპეტენტური გუნდით, რომელიც თანაბრად არის დისტანცირებილი ნაცებისგან და ქოცებისგან.
ეს პოზიცია დღეს არის ყველაზე მოთხოვნადი.
ამომრჩეველი დაიღალა არჩევანით მანკირ წარსულსა (ნაცები) და მანკიერ აწმყოს (ქოცები) შორის და ეძებს მეტ-ნაკლებად მისაღებ პოლიტიკოსებს, რომლებიც ამ დახშული წრიდან გამოიყვანენ და უკეთესი მომავლის არჩევანს შესთავაზებენ“, – წერს ის.