რექტორის ოთახი დაკავებულია: კაბინეტიდან გამოსვლას პაპავას გადადგომამდე არ აპირებენ (ვიდეო)

თსუ-ს თვითმმართველობამ რექტორის, ლადო პაპავას კაბინეტი დაიკავა. მათი თქმით, მანამ არ დატოვებენ კაბინეტს, სანამ რექტორი თანამდებობიდან არ გადადგება. თვითმმართველობის წევრებმა ძალის გამოყენებით გაარღვიეს დაცვა, რომელიც პაპავას კაბინეტთან იდგა და ახლა თავად აკონტროლებენ სიტუაციას.

უნივერსიტეტის თანამშრომლები დაცვას უმოქმედობაში ადანაშაულებენ.

შეგახსენებთ, რამდენიმე წუთის წინ თვითმართველობის წევრებმა რექტორის, ლადო პაპავას კაბინეტის კარი შეამტვრიეს. ისინი მის გადადგომას მოითხოვენ. ლადო პაპავა ამ წუთებში სხვა აუდიტორიაში სტუდენტებს ხვდება.