საპროცედურო საკითხთა და წესების კომიტეტმა საპარლამენტო პოლიტიკური ჯგუფის “ევროოპტიმისტების” რეგისტრაციას მხარი დაუჭირა.
კომიტეტის თავმჯდომარის, ირაკლი ქადაგიშვილის განცხადებით, რეგლამენტში შეტანილი ცვლილების შედეგად პოლიტიკური ჯგუფების ჩამოყალიბების საშუალება პოლიტიკური სუბიექტებისა და დეპუტატების ფართო წრეს მიეცა.
მისივე თქმით, წარმოდგენილი დოკუმენტაცია, წესდება და ჯგუფის შემადგენლობა შესაბამისობაშია პარლამენტის რეგლამენტის მოთხოვნებთან. პოლიტიკურ ჯგუფში რომან გოცირიძე და ხატია დეკანოიძე შედიან.
