საფრანგეთის ქალაქ ანსის ერთ-ერთ პარკში დანით შეიარაღებულმა პირმა რამდენიმე ადამიანი დაჭრა. მათ შორის არიან ბავშვებიც.
მედიის ინფორმაციით, ერთ-ერთის მდგომარეობა მძიმეა.
თავდამსხმელი, რომელიც პოლიციას სირიელ ლტოლვილად გაეცნო, ამჟამად დაკავებულია.
აღნიშნულ ფაქტს სოციალური ქსელით გამოეხმაურა საფრანგეთის პრეზიდენტი ემანუელ მაკრონი.
„მხდალმა ადამიანმა თავდასხმა განახორციელა ანსის პარკში, ბავშვები და მოზარდები სიკვდილ-სიცოცხლის ზღვარზე არიან, ერი შოკირებულია“, – წერს ის.