საქართველოს პრეზიდენტი, სალომე ზურაბიშვილი კანადის ტყეების მასშტაბურ ხანძარს ტვიტერ-ზე გამოეხმაურა.
„გამძლეობას ვუსურვებთ მამაც მეხანძრეებსა და კანადის ხელისუფლებას საზარელ ხანძრებთან ბრძოლაში.
ამ რთულ დროს საქართველო კანადელი ხალხის გვერდით დგას“, – წერს ზურაბიშვილი.
შეგახსენებთ,
კანადაში ტყეების მასშტაბური ხანძარია. ცეცხლმა 4 მილიონამდე ჰექტარი დაწვა.
კვამლის დიდი ნაწილი კვებეკიდან მოდის, სადაც ხანძრის 150 კერაა. პროვინციაში 12 000-დე მოქალაქის ევაკუაცია უკვე განხორციელდა და კიდევ 4 000 ადამიანის ევაკუაციაა მოსალოდნელი.
კანადაში გაჩენილი მასშტაბური ხანძრის გამო, კვამლშია გახვეული ამერიკის ნაწილიც.
