სიღნაღში უბედური შემთხვევის შედეგად 7 წლის ბავშვი გარდაიცვალა.
გავრცელებული ინფორმაციით, შემთხვევა გვიან ღამით ქვემო ბოდბეში მოხდა, სადაც ბავშვი სამზარეულოში გაზის ანთებას ცდილობდა და დაგროვილმა გაზმა აფეთქება გამოიწვია. შემთხვევის შედეგად ბავშვი ადგილზევე გარდაიცვალა. აფეთქებას მოჰყვა ნგრევაც.
როგორც „მეტრონომს“ შსს-ში განუცხადეს, „გარდაცვლილს ექსპერტიზა უტარდება. გამოძიება კი სისხლის სამართლის კოდექსის 116-ე მუხლით მიმდინარეობას, რაც სიცოცხლის გაუფრთხილებლობით მოსპობას გულისხმობს“.