ოკუპანტი რუსეთის პრეზიდენტმა, ვლადიმერ პუტინმა ახალ განკარგულებას მოაწერა ხელი, რომელიც “ყალბი ინფორმაცის” გავრცელებაზე სასჯელის ზომის გამკაცრებას გულისხმობს.
ცვლილებების მიხედვით, სასჯელი ვრცელდება მოხალისეთა ფორმირებების შესახებ „ფეიკის” გავრცელებაზეც, რისთვისაც სასჯელის მაქსიმალური ვადა 15 წლით თავისუფლების აღკვეთაა. ასევე, ცვლილების შედეგად დაჯარიმებას ექვემდებარება მოხალისეების დისკრედიტაცია, თუ ის არ შეიცავს სისხლისსამართლებრივად დასჯად ქმედებას, ჯარიმის ოდენობა, რიგითი მოქალაქეებისთვის, 30-50 ათასი თანამდებობის პირებისთვის 100-200 ათასი , იურიდიული პირებისთვის კი 300-500 ათასი რუბლით განისაზღვრა.