რუსეთის საგარეო საქმეთა სამინისტროს პრესსპიკერის მარია ზახაროვას თქმით, ჰააგის სისხლის სამართლის საერთაშორისო სასამართლოს მიერ გაცემულ დაკავების ორდერს რუსეთისთვის სამართლებრივი მნიშვნელობა არ აქვს.
“რუსეთი არ არის სისხლის სამართლის საერთაშორისო სასამართლოს რომის სტატუტის მხარე და არ ეკისრება ვალდებულებები. რუსეთი არ თანამშრომლობს ამ ორგანოსთან და იუსტიციის საერთაშორისო სასამართლოს მიერ დაპატიმრების შესაძლო “რეცეპტები” იურიდიულად ბათილი იქნება ჩვენთვის”, – წერს ზახაროვა ტელეგრამზე.