“რაკი მშვიდობით გათენდა ეს ღამე შვიდი მარტისა…” – ბესიკ ხარანაულის ემოციური ლექსი წუხანდელი უმძიმესი ღამის შემდეგ

“რაკი მშვიდობით გათენდა
ეს ღამე შვიდი მარტისა,
გამომხატველი აღარ ვარ
არავითარი დარდისა,
წავალ,
დავივლი გორებსა,
დავკრეფ
იების კონებსა,
და,
სათითაოდ მივართმევ
ჩემს ღამენათევ ქალებსა –
იებსა შენამსჭვალებსა,
ვარდებსა ფერნაცვალებსა,
ახალ დღის სიხარულისათვის
იმათ გახელილ თვალებსა,
დავკოცნი თვალუხილავად,
უსიტყვოდ ვეტყვი ალერსსა…
ქალებსა, ჩემსა ქალებსა,
გამხარებ-გამამწარებსა”