დიდი დიღმის მესამე მიკრორაიონში 28 ავტომანქანის მფლობელს დილით საბურავები დაჭრილი დახვდა. დაზიანებულია მე-14-ე, მე-15-ე და მე-16-ე კორპუსებში მცხოვრებთა ავტომანქანები.
შემთხვევა სავარაუდოდ, გუშინ ღამით მოხდა. შემთხვევის ადგილზე ექსპერტ-კრიმინალისტები მუშაობენ.
როგორც “მეტრონომს” შინაგან საქმეთა სამინისტროში განუცხადეს, ამ დროისთვის მოკვლევა მიმდინარეობს და დამატებითი ინფორმაცია მოგვიანებით გახდება ცნობილი.
გამოყენებულია “რუსთავი 2”-ის ფოტო