ზემო ფონიჭალაში მოკლული დედა-შვილი ქობულეთის მუნიციპალიტეტის სოფელ ქაქუთში გადაასვენეს. „გურიის მოამბესთან“ პირველ კომენტარს აკეთებს გარდაცვლილი, 35 წლის ქალბატონის ბიძა, გენო ბერაძე. „მივმართავ შინაგან საქმეთა მინისტრსა და პრემიერ-მინისტრს, ნუ დაგვჩაგრავთ, გლეხი ხალხი ვართ და ბოლომდე გამოიძიეთ ეს საქმე“. ის კატეგორიულად უარყოფს გავრცელებულ ინფორმაციას, თითქოსდა ამ საქმეში ყოფილი მეუღლე ფიგურირებდა: „ეს არასწორი ინფორმაციაა. ეს იყო ჩემი ძმიშვილს პირველი ქორწინება. შოკში ვართ ამ უბედურებით. პატარა ბავშვი საერთოდ არ არსებობს და მხოლოდ ჩოჩნხი ჩამოვიტანეთ. არანაირი პრობლემა მას და მეუღლეს შორის არ ყოფილა. არ შემიძლია რაიმე ვერსიაზე ვისაუბრო შოკირებული ვართ ყველა.“
როგორც ოჯახის ახლობლები ჩვენთან საუბარში აცხადებენ, ბავშვი საკუთარ საწოლში დამწვარი იპოვეს. დედას კი ცივი იარაღით მრავლობითი ჭრილობები აქვს მიყენებული. ამბობენ იმასაც, რომ გამორიცხულია მომხდარში მისი მეუღლის კავშირზე საუბარი: „არაჩვეულებრივი ურთიერთობა ჰქონდათ”-გვითხრეს ახლობლებმა.
ფონიჭალაში გუშინ საზარელი მკვლელობა მოხდა. 35 წლამდე ქალბატონი სამზარეულოში გარდაცვლილი იპოვეს, მცირეწლოვანი კი საძინებელ ოთახში დამწვარი იყო. გავრცელდა ვერსია, რომ ისინი ბინაში ძარცვის მიზნით მოკლეს, თუმცა შსს-ს მიერ გავრცელებული ინფორმაციით, ფული და ძვირფასეულობა სამართალდამცველებს ბინაში დახვდათ, შესაბამისად ვერსია დიდი ალბათობით გამოირიცხა. მომხდარზე გამოძიება გრძელდება. გასულ ღამეს პოლიციში იკითხებოდა გარდაცვლილის მეუღლე, თუმცა ცნობილია, რომ ის არც ეჭვმიტანილი და არც ბრალდებული არ არის. შემთხვევის ადგილზე გვიანობამდე მუშაობდნენ ექსპერტ-კრიმინალისტები. ბინა ამჟამად დალუქულია.
წყარო: guriismoambe.com