„ნაციონალური მოძრაობის“ წევრმა, პეტრე ცისკარიშვილმა მიხეილ სააკაშვილის მიმართ „ქართული ოცნების“ დამოკიდებულებაზე ისაუბრა.
მისი თქმით, „ოცნებას“ მიხეილ სააკაშვილის ეშინია, ამიტომაც ზის ექსპრეზიდენტი ციხეში.
„რამხელა პარადოქსთან გვაქვს საქმე, რამდენიმე კილომეტრში არ შეუძლია ადამიანს მოსვლა და სასამართლო პროცესებზე დასწრება, ამ დროს კი განვიხილავთ, არის თუ არა სააკაშვილი შეუძლოდ. მაისის თვეში კი თავისი ფეხით შევიდა ,,ვივა მედის” კლინიკაში. ახლა კი გადაადგილება არ შეუძლია, საკვებს ვერ იღებს, წონაში კატასტროფული კლება აღენიშნება.
რეგიონებში ჩვენი მოსახლეობის 80% თანხმდება, რომ საქართველოს მესამე პრეზიდენტის ნელი წამებით სიკვდილი არ უნდა დავუშვათ“ , განაცხადა ცისკარიშვილმა.