დღეს დილით, სოხუმის სავაჭრო ცენტრ „გრანდ ბაზარში“ ხანძარი გაჩნდა. ამის შესახებ აფხაზეთის თვითგამოცხადებული რესპუბლიკის საგანგებო სიტუაციების სამინისტროს პრესსამსახური იტყობინება.
უწყების ცნობით, ხანძარი რამდენიმე სავაჭრო პავილიონსა და კაფეზე გავრცელდა. შედეგად, დაიწვა, დაახლოებით, 120 კვადრატული მეტრი ფართობი და განადგურდა ორი სავაჭრო პავილიონი. მეხანძრეებმა ცეცხლის ლოკალიზება შეძლეს.
გავრცელებული ინფორმაციით, შემთხვევას მსხვერპლი არ მოჰყოლია.