საქართველოს მესამე პრეზიდენტი კლინიკა „ვივამედში“ დედამ, გიული ალასანიამ მოინახულა. მისი თქმით, მიხეილ სააკაშვილი ვერ დადის დამოუკიდებლად და ვერ იყენებს მარცხენა ხელს.
„ვიცი, რომ ტუბერკულოზი თითქოს არ დადასტურდა, ყოველ შემთხვევაში ჯერჯერობით, კვლევები გრძელდება. რამდენი ხანია, ვხედავ, რომ მარცხენა ხელს ვეღარ ხმარობს და აქვს ძლიერი ტკივილები. რა თქმა უნდა, ვერ დადის. გუშინ რომ ვკითხე, ორი ნაბიჯი რომ გადადგას (ხელჯოხები) ძლივს, მე ვუთხარი, მაგის გარეშე ვერ დადიხარ მეთქი და რას ლაპარაკობ, დავეცემიო“, – განაცხადა ალასანიამ.