ეგვიპტეში ავტობუსი ხევში გადავარდა, რის შედეგადაც სულ მცირე 21 ადამიანი დაიღუპა. ინფორმაციას ქვეყნის ოფიციალური პირები ადასტურებენ.
ექიმმა შერიფ მაკეენმა განაცხადა, რომ დაღუპულებს შორის სამი ბავშვია.
პროვინცია დაქაჰლიის ადგილობრივმა სამართალდამცველებმა განაცხადეს, რომ დიდი ალბათობით ავტობუსის მძღოლმა საჭის დამორჩილება ვერ შეძლო.
ეგვიპტეში სასიკვდილო ავტოსაგზაო შემთხვევები ყოველწლიურად იზრდება. ავტოსაგზაო შემთხვევები ძირითადად გამოწვეულია სიჩქარის გადაჭარბებით და გაუმართავი ინფრასტრუქტურით.