ლუგანსკის რეგიონული სამხედრო ადმინისტრაციის ხელმძღვანელმა,სერგეი გაიდაიმ განაცხადა,რომ უკრაინის შეიარაღებულმა ძალებმა უკვე გაათავისუფლეს ლუგანსკის ოლქის 12 დასახლება რუსი ოკუპანტებისგან.მისი თქმით,რუსები ცეცხლს უხსნიან ახლახან განთავისუფლებულ სოფლებს.
გაიდაი აღნიშნავს,რომ ბელოგოროვკა რუსული არმიის მუდმივი დაბომბვისა და თავდასხმების ქვეშ იმყოფება და რეგიონის ტერიტორიაზე ყოველდღიურად მძიმე ბრძოლები მიმდინარეობს.
„უკვე ოფიციალურად, უკრაინის შეიარაღებულმა ძალებმა ოკუპანტებისგან 12 დასახლება გაათავისუფლეს. წინსვლა ადვილი არ არის, ლუგანსკის ოლქის ყოველი მეტრი ძალიან რთულია. ჩვენს არტილერისტებს აქვთ შორი მოქმედების იარაღი, რომელიც მათ საშუალებას აძლევს მოწინააღმდეგეს წინააღმდეგობა გაუწიონ“, – აცხადებს სერგეი გაიდაი.