წელს საქართველოში საწვავი 13-დან 33 თეთრამდე გაიფდა – ნავთობპროდუქტების იმპორტირთა კავშირის ცნობით, საწვავის ფასის მეტად შემცირება ლარის კურსის ცვლილების გამო მოხდა.
“ბოლო დღეების განმავლობაში საქართველოს საცალო ქსელში რიგი კომპანიების მიერ სხვადასხვა ტიპის საწვავზე კვლავ გაგრძელდა ფასების შემცირება. მთლიანობაში იანვრის თვიდან დაწყებული ბრენდირებულ ავტოგასამართ სადგურებზე სხვადასხვა კომპანიების მიერ ყველაზე მოხმარებადი რეგულარი ტიპის ბენზინის საწვავის ფასი შემცირებულია საშუალოდ 15-20 თეთრით ლიტრაზე; პრემიუმი ტიპის ბენზინის ფასი – საშუალოდ 13-21 თეთრით/ლიტრაზე, ხოლო ევრო დიზელის ფასი – საშუალოდ 15-33 თეთრით/ლიტრაზე. აქვე უნდა აღინიშნოს, რომ ეროვნული ვალუტა – ლარი უფასურდება დოლართან მიმართებაში. კერძოდ, წლის დასაწყისში ლარის ოფიციალური გაცვლითი კურსი დოლართან მიმართებაში შეადგენდა 2,3966 ერთეულს, ხოლო დღეისათვის – 2,4921 ერთეულს. შესაბამისად, ვერ მოხდა საწვავზე ფასის უფრო მეტად შემცირება.
კერძოდ, დღეისათვის ჩვენთან ბრენდირებულ გასამართ სადგურებზე 1 ლიტრი საწვავის საშუალო ფასი შეადგენს: სუპერი ტიპის ბენზინი – 1,69-1,85 ლარი;პრემიუმი ტიპის ბენზინი – 1,59-1,70 ლარი; რეგულარის ტიპის ბენზინი – 1,39-1,59ლარი; დიზელი ლ-62 -1,37-1,49 ლარი; ევრო დიზელი – 1,39-1,65 ლარი”, – აცხადებენ ნავთობპროდუქტების იმპორტიორთა კავშირში.