უკრაინელმა დამცველებმა ხერსონის ოლქში 12 დასახლება გაათავისუფლეს, შეტევითი მოქმედებები გრძელდება, – ამის შესახებ უკრაინის შეიარაღებული ძალების გენერალური შტაბი იუწყება.
„ხერსონის მიმართულებით ჯარების წარმატებული შეტევისას განთავისუფლდა 12 დასახლება. მიმდინარეობს შეტევითი მოქმედებები სხვადასხვა მიმართულებით. ამიტომ, ოპერაციის უსაფრთხოების მიზნით, შედეგები მოგვიანებით გახდება ცნობილი“, – აცხადებენ გენერალურ შტაბში.
როგორც უკრაინის შეიარაღებული ძალების გენერალური შტაბი იუწყება, თავდაცვის ძალები აგრძელებენ უკრაინის მიწების გათავისუფლებას.