კიევის მერი, ვიტალი კლიჩკო მოსახლეობას აფრთხილებს, რომ ყველაზე ცუდი სცენარისთვისაც უნდა იყვნენ მზად. მისივე თქმით, ის, რასაც რუსეთი აკეთებს, ტერორიზმი და გენოციდია.
„ჩვენი მტრები ყველაფერს აკეთებენ იმისთვის, რომ ქალაქი სითბოს, ელექტროენერგიის, წყალმომარაგების გარეშე დარჩეს და საერთოდ, უნდათ, რომ ყველა დავიხოცოთ. ეს მათი ამოცანაა. და რამდენად კარგად გავუძლებთ, დამოკიდებულია იმაზე, თუ რამდენად კარგად ვართ მომზადებული სხვადასხვა სცენარისთვის… ამიტომაც უნდა ვიყოთ მზად“, – განაცხადა ვიტალი კლიჩკომ.