დიდი ბრიტანეთის თავდაცვის სამინისტროს სამხედრო დაზვერვამ უკრაინაში მიმდინარე ომზე რუსეთის საბრძოლო დანაკარგების შესახებ ყოველდღიური ანალიზი გამოაქვეყნა.
ბრიტანული დაზვერვის თანახმად, რუსი ჯარისკაცები სავარაუდოდ, გაღიზიანებული არიან, რომ ბრძოლას აიძულებენ ქვეითთა ძველი საბრძოლო მანქანებით, რომლებსაც „ალუმინის კონსერვის ქილებს“ უწოდებენ.
გაერთიანებული სამეფოს სამხედრო დაზვერვის მონაცემებით, ოქტომბერში, უკრაინის არმიის შეტევისას რუსეთი დღეში კარგავდა 40 ერთეულზე მეტ ჯავშანტექნიკას, რაც დაახლოებით უტოლდება ერთი ბატალიონის ტექნიკის რაოდენობას.
დაზვერვის ცნობით, ბოლო რამდენიმე კვირაში, რუსეთმა, როგორც ჩანს, ბელარუსისგან შეიძინა დამატებით, სულ მცირე 100 ტანკი და საბრძოლო მანქანა.